mdmartin

Antes de comenzar a preparar a horta, e para ir entrando en materia…, experimentamos coa multiplicación vexetativa mediante bulbos. Empregamos a especie Allium sativum (allo).

Se queremos garantir unha boa colleita de allo, non debemos escoller unha reprodución por sementes (reprodución sexual) porque presenta dificultades na xerminación (non xerminan de forma uniforme e abundante) e tamén as características das plantas resultantes poden ser moi diferentes. Coa multiplicación vexetativa (reprodución asexual) si podemos manter as características da planta proxenitora.

Cada “dente” ten unha xema no interior coa capacidade de brotar e producir unha nova planta.

Obxectivos:

– Establecer a importancia do tecido meristemático nas xemas.

– Estudar a influencia dos parámetros ambientais na xerminación e facer un seguimento das fases de xerminación.

– Observación de tropismos.

Procedemento:

– Preparar unha botella de plástico de 1,5 litros, retirar o tapón e a etiqueta, e facer ocos a intervalos regulares onde se van colocar os dentes de allo.

– Encher a botella de auga ata a primeira fila de buratos e colocar os dentes.

– Encher de substrato a maceta ou recipiente sobre o que colocarás a botella enterrada ata o nivel de auga.

– Preparar unha botella de auga de 5 litros: retirar o fondo e colocala cubrindo a botella onde se dispoñen os allos.

– Regar ben a terra das macetas.

– Observar o proceso aos 3, 7 e 10 días.

– Cando as raíces estean ben desenvolvidas, podemos plantar o allo brotado; enche unha maceta con substrato, fai pequenos buratos onde introducirás o dente ata a metade, tapa suavemente sen presionar. Pulveriza auga xenerosamente e agarda a que medren as novas plantas.

Posta en práctica da primeira fase da experiencia:

Interesante práctica, empregando sangue artificial e soros.

Identificamos os grupos sanguíneos e o Rh de catro persoas.

Colocamos nos portaobxectos as gotas de soro antiA, soro antiB e soro antiRh. Despois engadimos as gotas do sangue artificial problema.

E logo remexer e observar si se producía aglutinación…

Co motivo da efeméride do Día do ADN, tivemos unha sesión moi intensa no laboratorio… intentando facer axustes nos protocolos para saber cal era o máis axeitado para aplicar na demostración que iamos levar a cabo no vestíbulo na “Xornada do ADN”.

Traballamos con amorodos, chícharos e tomate. E o máis “resultón” foi o de amorodos.

E chegou o día…, a xornada do ADN!!. No vestíbulo dispuxemos todo o necesario para a demostración, levada a cabo polo alumnado de Bioloxía de 1º de bacharelato.

Desde hai 4000 anos, a Humanidade utilizou as cualidades terapéuticas desta planta. Actualmente é utilizada en dietética, cosmética e farmacia.
Antiséptico natural que alivia queimaduras solares, picaduras de insectos e laceraciones na pel, axuda a restaurar o pH natural da pel e estimula a rexeneración celular.

Ingredientes: 70 ml de alcol de farmacia, 30 ml de auga de rosas, 10 culleradas de xel de Aloe beira. Opcional: unhas pingas de aceite esencial de lavanda, que achega máis propiedades antibacterianas e combina ben o cheiro coa auga de rosas; esta achegará hidratación á pel, frescura e bo cheiro.

Preparación:

– Eliminar as espiñas das follas de Aloe, separar a epiderme superior e sacar o parénquima empregando unha culler.

– Á pulpa ou parénquima  se tritura ata obter un líquido viscoso sen grumos e con escuma.

– Mesturar o xel de Aloe coa auga de rosas, ata alcanzar unha textura homoxénea.

– Engadir o alcol e seguir removendo.

– Neste punto verter as pingas de lavanda.

– Encher o recipiente elixido para gardar o xel.

Consellos:

– As follas de Aloe deixarémolas a remollo 24 horas –renovando a auga cada 4 horas- para eliminar a aloína porque aínda que o uso é tópico podería causar algunha irritación.

– Mellor gardar en neveira; durante polo menos 7 días debería manter a cor e aroma.

E COMA COMPLEMENTO DA EXPERIENCIA, A OBSERVACIÓN DE CLOROPLASTOS E ESTOMAS !!!

Apreciamos distinto grao de apertura nos estomas, coas células oclusivas con forma de faba.

E os cloroplastos coma lentelliñas dispersas nas células.

Os estomas sitúanse na epiderme, e no tecido subxacente -parénquima clorofílico- as células con cloroplastos.

Moi prolífica a experiencia!

Finalmente optamos pola preparación a base de coco e menta.

Ingredientes:

• 2 culleradas de aceite de coco
• ¼ cucharadita de bicarbonato de sodio alimentario
• 2 culleradas de arxila branca.
• 3 gotas de aceite esencial de menta
• Un chisco de sal mariño
• 2 culleradas de infusión de herbas aromáticas (tomiño/salvia)

PROCEDEMENTO

Mesturamos nun recipiente infusión, aceite de coco e arxila. Removemos e engadimos bicarbonato e finalmente o aceite esencial gota a gota ata encontrar o punto xusto de acordo ao propio gusto. Con unha espátula removemos todo. Non foi necesario axustar o sabor salgado/doce con edulcorante.

A PASTA  DEBE SER CONSERVADA NO FRIGORÍFICO

PROPIEDADES DOS INGREDIENTES

Realizado a primeira semana de marzo

Chegamos a ter aportacións interesantes e moi creativas, pero ás veces atopabámonos coas dificultades ben de construir o deseño ou de ter que repoñer as noticias… dada a ubicación do noticieiro…

Ao final, “subiu ao marcador” un deseño que non estorba en ningún aspecto!!!.

Lonxe de expositores metálicos, de pantallas…, voltamos ao sinxelo, a aquelo que podemos facer manualmente, que nos achega á natureza: papel, corda…

Suxeito con corda á varanda do primeiro andar…;  quedou con aspecto rústico, algo diferente ao que tiñamos!!.

Ningúen da tropezóns co novo noticieiro!!, balancéase amodiño, con lixeireza. Pódense ver e ler as noticias con facilidade, porque estivemos coidadosos de colocalo á altura dos ollos.

Experiencia realizada en febrero de 2020

Alumnnos de 4º ESO y Cultura Científica de 1º bacharelato, animáronse a participar no obradoiro de elaboración dun protector labial a base de manteiga de cacao, cera virxe de abella y aceite de améndoas.

Fundamento : protector labial es un producto con finalización cosmética y terapéutica. Nós ímolo preparar de maneira sinxela a partires de sustancias naturais. A manteiga de cacao vai protexer do frío, suaviza e hidrata e ten antioxidantes naturais. A cera protexe a pel e rexenéraa, tamén da consistencia ao producto. O aceite de améndoas é hidratante, aporta vitaminas do complexo B, vitamina E y ácidos graxos esenciais.

Procedemento :

1. Pesaremos como cantidades de manteiga e cera (4 veces más da primeira que da segunda) _ se precisamos que o producto sexa más brando, teremos que reducir una cantidade de cera.
2. Colocamos nun recipiente pequeño como escamas de cera, e poñémolo ao baño maría (tª máxima: 36 ºC).
3. Remexemos, e cando está fundido, engadimos a manteiga de cacao.
4. Retiramos do lume e engadimos o aceite de améndoas (5 ml por cada 10 gramos de manteiga).
5. Deixamos arrefriar e se queremos, antes de que solidifique-, engadimos unhas gotas dalgunha esencia, nós empregamos esencia de fresa.
6. Gardar -antes de que estea sólida- nunha caixa pequeña con rosca, pouco profundo e de boca ancha.

No segundo turno, vistas como dificultades que atopamos xa que solidificaba moi pronto e dificultábase entre los receptores, axustamos como cantidades de cera y botamos a mestura no recipiente no que iamos levala para casa, ainda cando estaba moi líquida, engadindo entonces a esencia.

Tivemos que cambiar o procedimiento en canto ás cantidades de manteiga e cera; o demais tan só era cuestiones de non deixar que solidificara tanto no vaso de precipitados, botándoo no recipiente no que iamos levar unha mostra para nós.

A esencia dáballe un apetecíbel sabor a fresa, ainda que algún / algúnha participante no estaba a favor deste aroma !!!.

FOTOGRAFÍA: Nerea Argudín Sánchez

Experiencia realizada en febreiro de 2020.

Participaron en dous turnos alumnado de  Cultura Científica de 4º ESO e 1º bach.

Este xel é de interese polas propiedades hidratantes, antibacterianas , antisépticas e rexeneradoras que lle da o parénquima de Aloe vera. Se engaden aceites esenciais que reforzan as propiedades antisépticas, e aromas.

Ingredientes: 10 culleres de sopa de xel de Aloe, 20 gotas de aceite esencial de lavanda, ou ben 10 gotas de aceite esencial de árbore do té ou 10 gotas de aceite esencial de laranxa.

Procedemento:

1. Preparar o xel de Aloe; extraemos o parénquima, triturámolo en frío.  Importante que se aparten os bordos das follas, escollendo tan só o parénquima xelatinoso e transparente.
2. Vertémolo nun recipiente profundo e engadimos o aceite esencial de lavanda.
3. Remexemos con unha culler de madeira ou silicona.
4. Cando está ben mesturado, podemos engadir algún dos outros aceites esenciais e remexemos de novo, ben.
5. Xa todo integrado, vertémolo nun envase mellor de cor escura, mellor con dosificador.

Duración: uns días, mellor en oscuridade e no frigorífico.

Suxestións: no engadir máis que un aceite esencial, do contrario o aroma e moi, moi forte, moi saturante… Non bater coa batidora ou ben engadir glicerina porque senón sae moi fluído.

Todos/as levamos unha mostra. Puff! que aroma tan forteee!!. Debímoslle botar menos esencias. Parece un ambientador!!!!.

FOTOGRAFÍA: Nerea Argudín Sánchez

Estivo ao longo de varios cursos no vestíbulo do noso Centro, intentando – coa súa presencia-, que prestarades atención a noticias de importancia en Ciencias.

Para algúns pasaría igual desapercibido porque no tempo de lecer dedicádevos a xogar; e normal coa vosa idade…

Pero vamos a intentar que o novo formato que planeamos darlle ao Noticieiro en 2020, sexa “irresistible”… Xa temos un esbozo!!!. E por suposto que calquera suxestión vai ser ben recibida.

A continuación unas fotos do traballo de alumnos de Cultura Científica de 4º ESO e de 1º de bacharelato.