NOVEMBRO, 2019
E un ano máis o 1 de Decembro é o Dia Mundial de Loita contra A SIDA.
As/os alumnas/os de 1º de Bacharelato, que cursan Anatomía Aplicada, buscan información sobre esta doenza, elaboran carteis e divulgan aos seus compañeiros as causas, efectos, terapias actuáis e novidades.
DECEMBRO 2019, XANEIRO 2020
Durante dous meses alumnas/os de 1º ESO estudaron a vida do caracol de horta. Fixándose principalmente:
- Na relación entre a alimentación e a cor dos excrementos
- Na velocidade de desprazamento
XANEIRO 2020
Alumnas/os de 3º ESO prepáranse para ser monitores de Laboratorio, disfrutando coa Ciencia:
- Fan preparación microscópica de célula vexetal, animal e microorganismos.
- Constrúen un modelo de pulmón para explicar os movementos ventilatorios.
- Detección de carbohidratos en alimentos
FEBREIRO 2020
Almorzos saudables
Alumnas/os de 1º de Bacharelato estudaron, informaron aos seus compañeiros da importancia que ten para a nosa saúde almorzar ben todos os días, elaboraron e prepararon un almorzo saudable a base de:
- Crema Budwing ecolóxica
- Biscoitos de iogur, con productos totalmente ecolóxicos
- Sandwich vexetal
- Infusións variadas
HORTO ESCOLAR
Alumnas/os de 1º da ESO empezan os traballos de xardinería facendo parterres
en varios lugares do patio do instituto.
EN DIRECTO COA ANTÁRTIDA
O alumnado de Cultura Científica de 1º Bacharelato participou nunha actividade moi especial organizada pola Domus:
“Xavier Fonseca en directo desde a Antártida”
Xavier Fonseca é un xornalista e divulgador científico que durante os meses de xaneiro e febreiro estivo nunha expedición na Antártida, na base científica española Juan Carlos I , na illa de Livingston e na base militar da illa Decepción. Foi , precisamente, desde esta base militar desde onde se realizou a conexión.
A verdade, é que foi moi emocionante poder falar con el en directo desde o continente xeado. O alumnado tiña moitas preguntas, relacionadas coa adaptación ao clima, a forma de vida na base(como chegaban os víveres, que pasaba se alguén se poñía enfermo, que facían no tempo libre..), sobre o traballo científico a desenvolver… as que Xavier foi respondendo. E, sen darnos conta, e aínda con moitas curiosidades máis, había que rematar a conexión…
Non importa , todo o que contou foi moi interesante e quen sabe, ao mellor noutro momento poderán seguir a facerlle máis preguntas, aínda que sexa por aquí…