Hoxe tivemos a última sesión do Club de Ciencia do curso 24/25

Nela visionamos un vídeo que elaborou o alumando nas útimas sesións.

A continuación, a coordinadora do Club de Ciencia, Chus Moreira, entregou ao alumnado os diplomas que acreditaban a súa participación nas actividades levadas a cabo polo Club de Ciencia durante o curso 24/25 e uns pequenos agasallos.

Tamén despedimos (e agradecemos o seu traballo e implicación co Club) a Isa, Valiña e Iván que cambiarán de centro o próximo curso.

O pasado martes, 10 de xuño, estivemos na hora colleitando os rabanitos que se deron moi ben.

O pasado sábado, día 7 de xuño, participamos na Cullerciencia 2025 organizada polo CEIP Ría do Burgo e o Concello de Culleredo.

Tivemos a sorte de que nos fixeran unha entrevista.

Estas son algunhas das fotos da xornada:

Durante o mes de maio, o alumnado do Club de Ciencia traballou co sistema Leonardome, un conxunto de pezas impresas en 3D inspirado nas creacións de Leonardo da Vinci.

Sen parafusos nin pegamento, construíron unha estrutura xeométrica colaborativa, experimentando coa estabilidade e o deseño.

Foi unha experiencia onde se mesturaron ciencia, creatividade e traballo en equipo dun xeito divertido e educativo.

Onte, sábado 10 de maio, participamos no Día da Ciencia na Rúa 2025 no parque de Santa Margarida en Coruña.

Desde as 11 e ata as 19 horas estivemos na tenda 41 mostrando os proxectos levados a cabo durante todo o curso no Club de Ciencia.

A continuación tendes algunhas fotos da xornada:

 

Durante as sesións dos meses de marzo e abril os equipos negro, vermello e azul do Club de Ciencia estiveron na aula de informática deseñando carteis en CANVA para levar ás feiras da ciencia nas que imos participar este curso.

 

Durante as sesións do mes de marzo e abril os equipos negro, vermello e azul do Club de Ciencia estiveron no laboratorio de física e química construíndo un submarino empregando o principio de Arquímedes. Este principio explica por que os obxectos flotan ou se afunden nun líquido.

En varias sesións do segundo trimestre os equipos negro, vermello e azul do Club de Ciencia estiveron plantando na horta:

• Cabazas, batata e millo para flocos de millo que se recollerán á volta de verán (se todo vai ben).
• Xudías de mata baixa e tomates cherris, para recoller xusto antes dás vacacións de verán.
• Tagetes para atraer polinizadores.
• Alcachofas, que se darán dentro de dous anos.
• Rabanitos para os coellos (gústanlles moito as súas follas) e perexil.

No terceiro trimestre continuarán coidando a horta e farán sementeiros de flores, xirasois e prantas silvestres.

Durante as sesións do mes de marzo e abril os equipos negro, vermello e azul do Club de Ciencia estiveron no laboratorio de bioloxía elaborando bombas de baño.

Durante as sesións do mes de febreiro e marzo os equipos negro, vermello e azul do Club de Ciencia estiveron no laboratorio de física e química aprendendo como funciona o proceso das esferificacións.