O martes 11 de outubro fixemos varios experimentos relacionados coa maxia e a química co alumnado de 2º da ESO:
PISTAS QUE DESAPARECEN
Fixemos visible un escrito invisible. Fixemos dous experimentos, nun empregamos o zume de limón (que previamente exprimimos) e a súa reacción cunha disolución iodada e noutro empregamos unha disolución de vitamina C e a súa reacción cunha disolución iodada. As reaccións de oxidación-redución que se produciron permitíronnos descubrir a mensaxe escrita.
MOEDA QUE DESAPARECE
Baseándonos nunha propiedade que ten a luz, a reflexión, fixemos desaparecer unha moeda que previamente colocamos debaixo dun vaso con auga. Cando a auga entra no vaso, dobra a luz reflectida desde a moeda, facendo que esta apareza nunha localización diferente, un lugar que non é visible polo estudante.
