Actividade compartida, Educación Física e Bioloxía e Xeoloxía.
Visita a aula do Mar dos faros de Mera e Roteiro polo Monumento Natural Costa de Dexo-Serantes (21 e 22 de Marzo)
As/os alumnas/os coñeceron os valores naturais e culturais da nosa costa, as problemáticas ambientais da beiramar galega e descubriron as potencialidades que para un desenvolvemento local sustentable ten a declaración dun espazo protexido, recoñecendo e defendendo as súas limitacións de uso, como necesarias para a conservación e como potenciais para o desenvolvemento dunha nova relación co medio máis respectuosa e sostible.
Día da Ciencia na Rúa
O noso instituto participou no XXIV día da Ciencia na Rúa, a continuación poderedes ver algunhas imaxes das actividades que organizaron as rapazas e rapaces do centro coa axuda das profesoras e profesores. Experimento: —
Día do ADN
Celebración do día do ADN, 25 de abril. Os alumnos de 4º da ESO fixeron un obradoiro durante o recreo no vestíbulo do IES sobre a extracción do ADN das células da mucosa bucal. Todos os alumnos e profesores que quixeron puideron visualizar o seu propio ADN.
En marzo viaxe a Madrid
Nesta viaxe que fixemos a Madrid, a pesar de ser tan só por unha fin de semana, aproveitámolo bastante ben: O venres marchamos dende o instituto pola noite, e chegamos ao noso destino o sábado pola mañá, un pouco antes das sete. Fomos ata o hostel para deixar a nosa equipaxe e, tras algúns imprevistos,… Leer más En marzo viaxe a Madrid
Traballo no horto en marzo
En marzo tamén puxemos a xerminar fabas para facer un estudo do seu desenvolvemento variando varios factores como a luminosidade etc.
A herba boa non supera os cambios de temperatura do instituto. Unhas horas calor pola calefacción e outras moito frío.
Traballo no horto en febreiro
En febreiro plantamos no exterior aloevera para ter material para seguir a facer xel que é moi bo para a pel : hidratante, queimaduras…
Plantamos hortensias a partir de estaquiñas. As estamos controlando a ver se enraízan pois o lugar non é moi bo. Unha xa botou unha folla.
Almorzos saudables
Este pasado 21 de decembro fixemos unha exposición, co aprendido na clase sobre as propiedades dos alimentos e varias receitas, en forma de buffet libre para os nosos compañeiros, coincidindo coa festa de Nadal do noso instituto.
Consistiu, como podemos ver nas fotos, nunha cata de aceites de distintos tipos (de xirasol, de oliva virxe extra, de liño e de sésamo) sobre pedazos de pan, tartar de espaguetis de mar (con olivas negras e outras ao natural), outro tipo de algas ao curry e outras con aroma a allo; uns biscoitos feitos por nós, crema Budwing, que consiste en froitas de temporada bañadas con bebida de soia e máis un chorro de aceite de oliva virxe extra; bebida de soia con cacao, e por último uns sándwichs vexetais, tamén feitos por nós.
Este sería un resumo do feito o outro día, que resultou ser un éxito entre os nosos compañeiros e profesores, que tamén probaron eles os nosos manxares.
A primeira excursión
Onte fomos á Universidade Laboral, en Culleredo, para asistir a unha charla de María Solar sobre o seu libro Os nenos da varíola.
No bus falabamos moito, e había xente que facía o parvo. Sempre pasa. Eu non falei tanto; estaba moi nerviosa porque me interesa moito o tema da expedición (aínda que non sei como me interesa, se odio a Bioloxía). Ademais, iamos coñecer a escritora. Cando entramos no edificio esperamos un pouco e pasamos ao salón de actos. Entón os meus nervios aceleráronse e comecei a tremer; estaba xa a un nivel extremo de nerviosismo.
A charla constou de dúas partes: na primeira explicaban cousas sobre a varíola e na segunda falaron da Real Expedición. Na primeira aburrinme como nas clases de mate, pero na segunda si que me divertín. Encántame ese tema! Primeiro falaron de que a varíola matou moita xente, que era provocada por un virus, que ao mellor non estaba extinguida de todo, etc. Logo, cando falaron da Real Expedición, contaron cousas que eu, xa sabía, pero tamén outras que non, como que Balmis tiña un diario ou que o nome de Isabel Zendal non se coñecía correctamente ata hai uns anos. Ao final fixemos unhas preguntas.
Ao rematar, algúns nenos e nenas achegámonos para que María Solar nos firmase o libro. Unha amiga non se puido resistir a contarlle o da obra de teatro. Nese momento descubrín que María Solar estaba moi emocionada con ese tema.
En resumo, que me encantou a excursión. Dende logo que volvería!
Sara Ramos López 1ºF
Día Mundial de Loita contra a SIDA
As alumnas e alumnos de 1º de Bacharelato de Bioloxía e Anatomía mostran os seus traballos e divulgación dos mesmos, baseados na Busca de Información, Elaboración de Cartéis e Maquetas para a Exposición, a Formación que recibiron e a súa Divulgación a alumnas e alumnos de Secundaria.
Celebrar o Día Mundial do SIDA desta maneira foi moi interesante e divertido para todos. Tivemos a oportunidade de colaborar cos nosos compañeiros, aprender algo novo, poñernos no lugar dos profesores e fixemos que os compañeiros se interesaran por un tema que, ata agora, no estivera tan presente entre nós. Moitas grazas por darnos esta oportunidade e esperamos poder seguir a colaborar en proxectos como este.
1º de Bach.
Vídeo da Cruz Vermella