Hai uns meses, en novembro, un grupo de alumnas e alumnos de 4º A – B de Bioloxía, decidimos que sería moi interesante participar no Club de Ciencia e, así comezamos…
Empezamos coa búsqueda de información:
- Talleres UDCiencia da Universidade da Coruña
- Talleres Fundación para el conocimiento madri+d
Que podiamos facer? Pois, como na clase de Bioloxía fixeramos un experimento sobre a osmose, con follas de leituga, e quedaramos con gana de ver unha entrada máis directa de auga, realizámolo con outros “ingredientes”.
“UNHA PATACA MOI GOLOSA”. A OSMOSE NUNHA PATACA CON AZUCRE
- Cortamos patacas, fixemos buratos, botamos azucre,…
- Colocámolas en dous recipientes, un con auga e outro sen auga.
- E, observamos:
Pois si que había auga dentro das patacas!!!
Confirmado, as moléculas de auga móvense a través da membrana semipermeable desde a disolución menos concentrada cara a máis concentrada.
“UNHA PASTA DE DENTES MOI NATURAL”
Seguimos con ingredientes naturais:
- Infusión de tomillo e salvia
- Arxila branca
- Aceite de coco
- Aceite esencial de menta
- Esencia de anís.
Nun recipiente botamos dúas cucharadas da infusión, 3 cucharadas de arxila branca, 2,5 de aceite de coco, 3 gotas de aceite de menta e 3 gotas de esencia de anís. Cunha espátula fina removemos todo.
E, aquí está o resultado.
A nosa opinión:
- Notamos unha consistencia un pouco arxilosa, temos que botar máis aceite de coco.
- A cor grisácea pareceunos pouco apetecible ( podemos engadir colorante vexetal)
- Non facía espuma, isto para gustos.
- Todos estivemos dacordo en que era moi, moi fresquiña, e por suposto moi natural, sen produtos químicos e con moitas propiedades : a salvia e o tomillo aportan propiedades antiinflamatorias, astrinxentes, antisépticas ; a menta calma os dolores dentais, a arxila branca contén oligoelementos moi saudables para os nosos dentes…
Tedes que probala!!!
”UNHA MITOSE AO GRANDE”
Cambiamos de tema. Propuxémonos representar unha mitose.
Necesitabamos: en primeiro lugar, cromosomas.
E, aquí está A MITOSE:
“EMPARELLANDO CROMOSOMAS”
Seguimos a voltas cos cromosomas… Como o día 25 de Abril se celebra o Día Mundial do ADN, quixemos render a nosa pequena homenaxe a esta grande molécula.
Preparamos un xogo sobre o cariotipo humano con tres niveis de dificultade.
Agora a comprobar se está correcto!!!